بيت العيلة

ازيكوا انا جايبلكوا لعبة يارب تعجبكوا .... اللعبة دى عبارة عن اننا هنتخيل اننا كلنا فى بيت واحد وهنتعامل مع بعض يعنى مثلا ..... ممكن اطلب من منه انها تجيبلى شوية ميه من التلاجة او تشحنلى الوبايل او انها تدينى موبايلها علشان اعمل مكالمه منه اوك وهبدا ...... يلا . منه والنبى شوفى ماما صاحية ولا لاء علشان تخيطلى الزرار دا علشان رايح الكلية الصبح .

شكرا لى اللعبة الرائعة
معلش يا احمد ماما نائمة
بس ممكن اخيطهلك

لاء خلاص مش عاوز اتعبك بس ياريت تصحينى الصبح بدرى علشان المنبه بتاعى بايظ تصبحى علي خير

لا تعب ولا حاجة
قولى انته عوز تصحى الساعة كام علشان اقومك
وانته من اهل الخير

عزت ياريت تسلفنى عشرين جنيه ... النهارده عيد ميلاد خطيبتى وعاوز اجبلها هدية صغيرة . وبلاش بخل وتقول ممعاييش . يلا طلع

طب ممكن يا احمد وانت جاى من الكلية تجيب لى معاك كارت شحن _علشان معييش رصيد

اوك يابنت العرب بس تسلفينى انتى العشرين جنية بتاع الهدية .. دا غير فلوس الكارت انا مالييش دعوة

اية دة دا انت استغلالى قوى-بس عالموم مفيش مشكلة _وخد الباب فى ايدك وانت خارج

اوك خلاص ..... منه افصلى النت شوية علشان عاوز التليفون مش كل دقيقة ع النت بابا دفع فواتير التليفون 2000 جنية الشهر دا عاوز ارغى قد اربع ساعات كده مع خطيبتى قبل ما اطلع برة ... يلا بقى

ايه يا احمد ده عاوز ترغى 4 ساعات حرام عليك
والفاتورة بابا يدبس فيها
ما ينفعش
طلبك مرفوض
انا اعمل ايه لازم اتابع المنتدى

خلاص طالما المنتدى يبقى مش مهم ........ ياترا عاملين ايه على الغدا ؟؟؟ وياريت ميكونش فراخ

هقولك اول ما تيجى ماما
اوكى

اوك يا منه لو اخرت جهزى اى حاجة على السريع كده ...... بنت العرب فين فلوس الكارت علشان انا ماشى ...... والعشرين جنيه متنسهاش .... ايون
ولو عاوز حاجة تانية قولى بس بسرعة علشان مستعجل

اوكى هاجهزلك اى حاجة
ايه رايك فى الاستايل الجديد للمنتدى

اكيد استايل جميل زى اللى صممه وزى اللى فكر فيه وزى اللى سالنى عن رأى ..... فين يابنت العرب الفلوس يلا بقى

شكرا على ذوقك يا ابو حميد

بطلب منك تقولى على اسم مجلة عامة تكون جامد
لمشروع التخرج

ياسلام وانا اطول افكرلك فى اسم للمجلة .......اوك احضرلك شوية اسامى واقولك عليها

شكرا ليك يا احمد
وطبعا مستنيا الاسماء
اكيد اسمائك تحفة

ابو على ياريت تجيبلى معاك شوية شرابات وانت جاى من بره

ايه يا احمد ممكن تجبلى محاضرات محمود حمدى معاك من الكلية

يا سلام يا منة محمود حمدى نفسه لو عاوزة انا اقدر اتاخر انتى تؤمرى واحنا ننفذ

ميرسى يا احمد على المحاضرات
وبطلب منك طلب
عارفة انى مزوداها معاك فى الطلبات
بص انا عاوزة اتفسح فى العيد
كل سنة وانته طيب
وكل الناس طيبين

ايه رايك بقى فى الفسحة دى بقي جنان صح ؟؟؟ ههههههههه كل سنة وانتى طيبة وكل اللى فى المنتدى طيبين ويارب يجعل ايامنا كلها عيد اضحى ههههههههههههههه انا بقي ممكن اطلب منك طلب ؟؟

الفسحة كانت روعة
طبعا اطلب اللى انته عاوزة

اطلب يعنى ولا انتى هاتعملى بعد كده كأنك مش تعرفينى ؟؟؟؟
طيب عموما انا هاطلب وهاعرف .....
انا بقى عاوز العشرين جنية اللى انا قلت عليها من فترة ومحدش عبرنى ..... البت مستنية الهدية بتاع عيد ميلادها ..... وعيد ميلادها التانى جاى ....وبلاش تستهبلة وتقولى بت مين ؟؟؟ خطيبتى يعنى هيكون مين ...
انا مستنى اهو يلا بقي طلعى اللى فى جيبك وهاتيهم كلهم مش مهم تعدى ... العدد بيقلل بركتهم

خد الفلوس اللى معايا مش عشرين لا اللى انته عاوزة

يسلام يا منة على كرمك اللى بيخلينى اخجل ..... ياريتنى طلبت اكتر هههههههههههه
اه صحيح عملتى ايه فى مشروع التخرج .... انا مستنى انه ياخد مركز علشان تعزمينا بقي

الحمد لله
ياله ممشيين حالنا
حتى لسة ما بداناش اى موضوع
انسى اللى مشروعنا ياخد مركز انا نسيت من زمان

لاء يا منه مش تقولى كده .... بأذن الله هتاخدوا مركز علشان مفيش حد بيتعب وتعبه يكون كده على الفاضى